BCI amaliyotda

Uch kun davomida Global Textile xodimlari GIZ tomonidan tashkil etilgan BCI standarti bo‘yicha intensiv treningda ishtirok etdilar.

Treningda bizning agronomlar, jumladan Toshkent viloyatining yangi hududlaridan vakillar, shuningdek, entomologlar, yer o‘lchovchilar va kadrlar bo‘limi mutaxassislari qatnashdi.

Asosiy maqsad — BCI mohiyatini chuqur tushunish edi. Ishtirokchilarga BCI standartining asosini tashkil etuvchi olti muhim prinsip batafsil tushuntirildi hamda bu talablarni kundalik ish jarayoniga qanday tatbiq etish bo‘yicha amaliy ko‘rsatmalar berildi.

Tashkilotchilar va trenerlarga professional yondashuv hamda bizni barqaror va mas’uliyatli ishlab chiqarish sari yetaklaydigan qimmatli bilimlar uchun minnatdorchilik bildiramiz.