Delegatsiya tashrifi

Bugun Global Textile Tojikiston va Qirg‘izistondan kelgan xalqaro delegatsiyani qabul qildi. Delegatsiya Shveytsariya elchixonasi tomonidan tashkil etilgan almashinuv tashrifi doirasida Farg‘ona viloyatiga tashrif buyurdi.

Tashrifning asosiy maqsadi suv resurslaridan oqilona foydalanish bo‘yicha tajriba almashish va amaliyotlarni o‘rganish bo‘ldi. Delegatsiyaga Global Textile kompaniyasining suv resurslarini samarali boshqarish bo‘yicha yechimlari taqdim etildi. Xususan, biz irrigatsiya kanallarida (ariqlarda) o‘rnatilgan gidropostlarni ko‘rsatdik, ular suv oqimini nazorat qilish va taqsimlashga yordam beradi.

Mehmonlarning alohida e’tiborini korxonamizdagi tozalash inshootlari (ETP) tortdi. Ushbu tizim sanoat oqova suvlarini atrof-muhitga chiqarilishidan oldin tozalash uchun mo‘ljallangan bo‘lib, ishlab chiqarish jarayonida paydo bo‘ladigan turli ifloslanishlarni samarali bartaraf etadi va kompaniyamizning ekologik mas’uliyatining muhim qismi hisoblanadi.

Tashrif davomida delegatsiya ishlab chiqarish jarayonlarimizning boshqa bosqichlari bilan ham tanishdi va kompaniyamiz faoliyatining to‘liq jarayonini yaqindan ko‘rish imkoniga ega bo‘ldi.

Biz o‘z tajribamiz bilan bo‘lishishdan mamnunmiz va suv resurslarini barqaror boshqarishga qaratilgan tashabbuslarni qo‘llab-quvvatlaymiz.