Global Textile gidropostlari

«Suvni o‘lchamasdan, uni boshqarib bo'lmaydi...»

- bu oddiy, lekin juda to‘g‘ri fikrni Global Textile’ning bosh irrigatori Botir Bozorboev bildirgan edi. Va aynan shu tushuncha bilan bizning suv resurslariga tizimli yondashuvimiz boshlandi.

Aniq ma’lumot olish va samarali ish yuritish uchun biz agrar faoliyat olib boradigan barcha hududlarda gidropostlar o‘rnatdik. Hozir ularning soni 100 taga yetdi. Ushbu qurilmalar har kuni real vaziyatni ko‘rsatadi: qancha suv ishlatilmoqda, uning darajasi qanday o‘zgaradi va bu atrof-muhitga qanday ta’sir qilmoqda.

Suv - biz uchun strategik resurs. U o‘simliklar o‘sishining asosidir va hosil hamda uning sifatiga bevosita ta’sir qiladi. Yaqin rejalarda esa Germaniyadagi hamkorlarimiz bilan birgalikda suv nazoratini raqamlashtirish va barcha ma’lumotlarni Wi‑Fi orqali masofadan olishni yo‘lga qo‘yishni maqsad qilganmiz, bu boshqaruvni yanada aniq va qulay qiladi.

Global Textile uchun - bu korporativ madaniyatning bir qismi: tizimli ishlash, oldindan o‘ylash va biz bilan birga o‘sayotgan resurslarga ehtiyotkorlik bilan munosabatda bo‘lish.