O‘zbekiston biznesi JSTga a’zo bo‘lishga tayyormi?

Aynan shu savol bilan TEAM University tomonidan tashkil etilgan ochiq va mazmunli muloqot boshlandi.

Global Textile xalqaro bozorga chiqish yo‘lini bosib o‘tgan kompaniya sifatida tadbirda ishtirok etdi. Biz o‘z tajribamiz bilan o‘rtoqlashdik: eksportga yo‘naltirilgan korxonalar qanday to‘siqlarga duch kelmoqda, xalqaro mijozlar qanday talablar qo‘ymoqda va raqobatbardoshlikni oshirish uchun qanday institutsozial shart-sharoitlar zarur.

Suhbat samimiy, ochiq va amaliy yondashuvda o‘tdi — rasmiyatchiliksiz, bevosita haqiqatlar asosida. Bugungi kunda eksportni cheklayotgan muammolar, shuningdek, O‘zbekiston JSTga to‘liq a’zo bo‘lishi jarayonida kelajakda qanday o‘zgarishlar kutilishi mumkinligi muhokama qilindi.

Biz ishonamiz: bunday tashabbuslar ochiq, raqobatbardosh iqtisodiyot sari muhim qadamdir.

TEAM Universityga mazmunli tashabbus, dolzarb mavzuni tanlagani va yuqori darajadagi tashkilotchilik uchun minnatdorchilik bildiramiz.