Surxondaryo viloyatiga tashrif

Global Textile rahbari Muzaffar Razakov rejalashtirilgan ish safari doirasida Surxondaryo viloyatida bo‘ldi.

Hududlarga muntazam tashrif buyurish kompaniyamiz ish uslubining ajralmas qismi hisoblanadi. Bunday safarlar joylardagi vaziyatni bevosita ko‘rish, jamoalar bilan ochiq muloqot qilish va loyihalarni amaliy jihatdan rivojlantirish imkonini beradi.

Safar davomida Surxondaryo viloyati hokimi bilan uchrashish imkoniyati ham bo‘ldi. Ish jadvali juda tig‘iz bo‘lishiga qaramay, viloyat rahbari uchrashuv tashabbusini qo‘llab-quvvatladi. Bu esa uning ochiq muloqotga tayyorligi va amalga oshirilayotgan loyihalarga bo‘lgan e’tiborini yana bir bor tasdiqlaydi. Uchrashuv uchun ajratilgan vaqt, samarali suhbat va hududning barqaror rivojlanishiga xizmat qiladigan tashabbuslarni qo‘llab-quvvatlagani uchun Ulug‘bek Berdiqobilovichga samimiy minnatdorchilik bildiramiz.

Shuningdek, tashrif doirasida xorijiy hamkorlar bilan hamkorlik masalalari, zamonaviy texnologiyalarni joriy etish va samaradorlikni oshirishga qaratilgan yechimlar muhokama qilindi.