Tadbirkorlikni qo‘llab-quvvatlash – iqtisodiy o‘sishning asosi
20/12/2024
Bugun kompaniyamiz rahbari Muzaffar Razakov Prezident Shavkat Mirziyoyev rahbarligida o‘tgan, tadbirkorlikni qo‘llab-quvvatlash sohasidagi yil yakunlari va 2025-yil rejalari muhokamasiga bag‘ishlangan yig‘ilishda ishtirok etdi.
Global Textile va boshqa ko‘plab kompaniyalar uchun bunday tashabbuslar muvaffaqiyatli rivojlanishning muhim omilidir. Davlat rahbari biznesning mamlakat iqtisodiyotidagi o‘rniga katta e’tibor qaratib, davlat va tadbirkorlar o‘rtasida ochiq muloqot uchun mustahkam platforma yaratmoqda.
Bu yil qabul qilingan beshta qonun, 100 dan ortiq farmon va qarorlar tadbirkorlik faoliyatini qo‘llab-quvvatlash tizimli asosda yo‘lga qo‘yilganini ko‘rsatadi. Bu tashabbuslar biznes uchun yangi imkoniyatlar ochib, tadbirkorlarga samarali yechimlar topishda yordam bermoqda.
Prezidentimizning e’tibori va amalga oshirilayotgan amaliy choralar uchun chin dildan minnatdorchilik bildiramiz. Ishonamizki, 2025-yil O‘zbekiston tadbirkorligi uchun yanada muvaffaqiyatli yil bo‘ladi!