To‘qimachilik kuchi

Global Textile’da biz doimo eksport, yangi bozorlarga chiqish va o‘sish haqida gapiramiz. Tashqaridan qaraganda, to‘qimachilik faqat biznes, raqamlar va shartnomalardan iboratdek tuyulishi mumkin. Ammo aslida bu sohaning ahamiyati bundan ancha keng.

Tarixan O‘zbekistonda butun sanoat va infratuzilma paxta va to‘qimachilik sohasi atrofida shakllangan. Mamlakatimiz rahbari tomonidan amalga oshirilgan islohotlar ushbu sohani yangi bosqichga olib chiqdi va bugungi kunda paxta-to‘qimachilik sohasi iqtisodiyotning tayanchi, desak mubolag‘a bo‘lmaydi. To‘qimachilik sohasining jadal rivojlanishi O‘zbekistonning eng muhim raqobat ustunliklaridan biriga aylandi.

To‘qimachilik yerdan boshlanadi: qishloq xo‘jaligi paxta va tabiiy tolalarni yetishtiradi. Ulardan ip-kalava va mato hosil bo‘ladi, keyinchalik ular kiyim-kechak va uy-ro‘zg‘or buyumlariga aylanadi. Mato sifatli va qulay bo‘lishi uchun texnologiyalar, laboratoriyalar va inson mehnati muhim rol o‘ynaydi. So‘ngra to‘qimachilik mahsulotlari shifoxonalarda, uylarimizda, avtomobillarda va qurilishlarda, hayotimizning bir qismiga aylanadi.

Global Textile’da biz o‘z vazifamizni ana shu katta tizimning muvaffaqiyatli bir qismi sifatida ko‘ramiz. To‘qimachilik sohasini rivojlantirish orqali biz boshqa tarmoqlarning ham o‘sishiga hissa qo‘shamiz, yangi ish o‘rinlari yaratamiz va mamlakat iqtisodiyotining barqaror rivojlanishiga xizmat qilamiz.