Global Textile’da bir vaqtning o‘zida ikkita Better Cotton treningi o‘tkazilmoqda

Bugun Global Textile’da Toshkent va Farg‘ona viloyatlarida bir vaqtning o‘zida ikkita Better Cotton o‘quv dasturi o‘tkazilmoqda.

Toshkent viloyatida mutaxassislar, rahbarlar va klaster ishtirokchilari Better Cotton talablari, munosib mehnat, mehnat xavfsizligi, xodimlarning murojaatlarini ko‘rib chiqish mexanizmlari hamda barqaror boshqaruvning boshqa muhim jihatlari bo‘yicha bilimlarini oshirmoqda.

Farg‘ona viloyatidagi trening esa regenerativ qishloq xo‘jaligi va zararkunandalarga qarshi integratsiyalashgan kurash mavzulariga bag‘ishlangan. Ushbu yondashuvlar tuproq unumdorligini saqlash, agroishlab chiqarish barqarorligini oshirish va atrof muhitga ta’sirni kamaytirishga yordam beradi.

Global Textile uchun bunday dasturlar alohida ahamiyatga ega. Barqaror ishlab chiqarish paxta ipga, matoga yoki tayyor mahsulotga aylanishidan ancha oldin boshlanadi. U dalada, mutaxassislar va fermerlar tomonidan qabul qilinadigan kundalik qarorlar, bilim va amaliyotlardan boshlanadi.

Shu sababli kompaniya barcha hududlarda Better Cotton yondashuvlarini joriy etish, xodimlarning malakasini oshirish va professional kompetensiyalarni rivojlantirishga sarmoya kiritishda davom etmoqda.

Bu kabi ishlar yanada shaffof va mas’uliyatli ta’minot zanjirini shakllantirishga, ishlab chiqarish barqarorligini mustahkamlashga hamda O‘zbekiston paxtachiligining rivojlanishiga xizmat qiladi.

Global Textile Better Cotton jamoasiga hamkorlik, ekspertiza va sohada barqaror amaliyotlarni rivojlantirishdagi qo‘llab quvvatlovi uchun minnatdorlik bildiradi.