Better Cotton uchun yangi standartlarni shakllantirishda ishtirok etish

Global Textile kompaniyasi vakillari GIZ va O‘zbekiston to‘qimachilik sanoati vakillari bilan hamkorlikda Better Cotton tashabbusi doirasidagi maslahatlashuv uchrashuvida ishtirok etdi.

Uchrashuvning asosiy e’tibori Better Cotton sertifikatlash tizimidagi yaqinlashib kelayotgan o‘zgarishlarga qaratildi. Xususan, tolani fizik jihatdan kuzatish tizimiga o‘tish, ishtirokchilar o‘rtasidagi vazifalar taqsimoti va kompleks baholash (Due Diligence) talablari muhokama qilindi.

Global Textile kompaniyasi Better Cotton’ning amaldagi litsenziyasiga ega bo‘lib, paxta yetishtirishdan tortib, tayyor mahsulot ishlab chiqarishgacha bo‘lgan barcha bosqichlarda to‘liq shaffoflikni ta’minlaydi.

Bunday tadbirlarda ishtirok etish bizga yangi standartlarga tez moslashish, hamkorlar ishonchini mustahkamlash hamda barqaror ishlab chiqarish bo‘yicha xalqaro talablarga javob berishni davom ettirish imkonini beradi.