IFC vakillarining Global Textile kompaniyasiga tashrifi

Bugun biz Oʻzbekistonda xususiy sektor rivojlanishiga toʻsqinlik qilayotgan omillarni aniqlashga qaratilgan Country Private Sector Diagnostic – tahliliy hisobotni tayyorlash ustida ishlayotgan Xalqaro moliya korporatsiyasi (IFC) vakillari bilan uchrashdik.  

Uchrashuvda mamlakatimiz toʻqimachilik sanoatida xususiy sektor ishtiroki va uning soʻnggi yillardagi rivojlanishi bilan bogʻliq masalalar muhokama qilindi. Xususiy kompaniyalar duch kelayotgan mavjud toʻsiqlar va muammolar, shuningdek, investorlarni jalb qilishga qaratilgan davlat tomonidan koʻrsatilayotgan yordam mexanizmlariga alohida eʼtibor qaratildi.  

Mehmonlar kompaniyaning rivojlanish rejalari bilan tanishib, toʻqimachilik sohasining barqaror oʻsishiga xizmat qiluvchi asosiy tashabbuslar haqida maʼlumot olishdi. Uchrashuv konstruktiv muhitda oʻtib, mehmonlarga yutuqlar, imkoniyatlar va kelgusida hamkorlik qilish istiqbollari toʻgʻrisida batafsil maʼlumot olish imkonini berdi.  

IFC vakillariga Oʻzbekistonning toʻqimachilik sanoatiga eʼtibor qaratganlari uchun minnatdorchilik bildiramiz. Ishonamizki, qoʻshma saʼy-harakatlarimiz sezilarli natijalar olib keladi va sohamizning global miqyosdagi salohiyatini ochishga yordam beradi.