Ozarbayjonlik hamkorlarimiz

Ozarbayjonlik hamkorlarimiz Global Textile kompaniyasining Farg‘ona viloyatidagi korxonalariga tashrif buyurdilar.

Tashrif doirasida mehmonlar paxta yetishtirishdan boshlab tayyor tikuv mahsulotlarini ishlab chiqarishgacha bo‘lgan barcha bosqichlar bilan yaqindan tanishdilar. Klaster modeli asosida ushbu bosqichlarning o‘zaro uyg‘unligi, zamonaviy texnologiyalar va qo‘llanilayotgan yechimlar jarayonlarning samaradorligi hamda barqarorligini ta’minlashdagi ahamiyati alohida e’tibor markazida bo‘ldi.

Shuningdek, jamoa ichidagi ish jarayonlari — vazifalarni aniq taqsimlash, hamkorlikni yo‘lga qo‘yish va barqaror mehnat muhitini shakllantirish masalalari ko‘rib chiqildi. Bu omillar yakuniy natijaning sifati va barqarorligiga bevosita ta’sir ko‘rsatadi.

Bunday tashriflar o‘zaro ishonchni mustahkamlaydi va uzoq muddatli hamkorlikni rivojlantirish uchun mustahkam zamin yaratadi.