Rossiya delegatsiyasi Farg‘ona viloyatidagi Global Textile tikuvchilik korxonasiga tashrif buyurdi

5-oktabr kuni Farg‘onada O‘zbekiston va Rossiya Federatsiyasi Hududlar kengashining III yig‘ilishi doirasidagi tadbirlar boshlandi. Uchrashuv ikki mamlakat hududlari, davlat organlari va ishbilarmon doiralari vakillarini birlashtirib, savdo-iqtisodiy hamkorlik, investitsiyalar va qo‘shma loyihalarni muhokama qilishga xizmat qildi.

Dastur doirasida Krasnoyarsk o‘lkasi gubernatori Mixail Kotyukov Farg‘ona viloyatidagi Global Textile korxonasiga tashrif buyurdi.

Mehmonlarga ishlab chiqarishning tashkil etilishi, korxonaning ishlab chiqarish quvvatlari va qo‘llanilayotgan texnologiyalar haqida ma’lumot berildi. Delegatsiya ishlab chiqarish jarayonlari, korxona faoliyati va tayyor mahsulotlar bilan tanishdi.

Farg‘ona viloyatidagi sanoat korxonalariga tashrif Hududlar kengashining ishchan dasturining bir qismi bo‘lib, Rossiya vakillariga hududning ishlab chiqarish va sanoat salohiyati bilan bevosita tanishish imkonini berdi.